अमेरिकी राज्य मिनेसोटाको कोर्मोरेन्ट शहरको मेयर पदमा एउटा कुकुरले ह्याट्रिक गरेको छ । कुकुरले मेयरको दुइटा कार्यकाल पूरा गरिसकेको छ । गत साता भएको मेयरको निर्वाचनमा बहुमत ल्याएर कुकुरले यो पद पुनः सुनिश्चित गरेको हो । ड्युक नाम गरेको कुकुरले यसरी कीर्तिमान कायम गरेको हो ।
‘शहरको मेयर चुन्न हरेक वर्ष मतदान हुने गर्छ । त्यहाँ मतदाताले जो कसैलाई पनि मेयर पदका निम्ति मतदान गर्न सक्छन् । यसपालिको निर्वाचनमा एकजनाबाहेक सबै मतदाताले ड्युकलाई भोट दिए । ती एउटाले चाहिँ मेयर पदका लागि आफ्नी प्रेमिकालाई योग्य ठहराउँदै उनलाई भोट दिएका थिए,’ समाचारमा भनिएको छ ।