चालक विष्णुबहादुर श्रेष्ठ ,
गुरुजी कता जान लाग्नुभयो ?
नेपालगन्जको रुट हो । उतै जान लागेको ।
नाइट गाडी कहिलेदेखि चलाउन थाल्नु भएको ?
१३–१४ वर्ष जति भयो ।
नेपालगन्ज पुग्न कति समय लाग्छ ?
१४ घण्टा जति लाग्छ ।
उमेर त भर्खरकै देखिन्छ । कति वर्षको हुँदा गाडी चलाउन थाल्नुभयो ?
१६÷१७ वर्षको उमेरदेखि यही गाडीमा खलासी गर्थें । खलाँसी गर्दागर्दै लामै रुटको गाडी चलाउन थालेको हो ।
विवाह गर्नु भएको छ कि छैन ?
गरेको छु नि ! श्रीमती र २ जना छोरा–छोरी छन् । घर ललितपुर भए पनि उतै पढाएको छु ।
मागी विवाह गर्नुभयो कि भागी ?
मागी विवाह गरेँ । लभ गर्नै जानिएन त्यो बेला । बाउआमाले हेरिदिएकै केटीसँग विवाह भयो ।
घरमा कतिको बस्नुहुन्छ ?
ड्राइभर भएपछि घरमा बस्न पाइन्छ र ? यसो, बेलाबखत मात्र हो ।
ड्राइभरले घरवाली भए नि बाहरवाली राख्ने गर्छन् भन्ने सुन्निन्छ ? तपाईंको के छ ?
हे...हे...हे, त्यो त नभनौँ होला । त्यस्तो त २–४ जना हुन्छन् नै, बोल्ने रमाइलो गर्नका लागि मात्र हो । बाहरवाली बनाउन चैँ हैन ।
नाइट गाडी चलाउँदा कतिको रमाइलो लाग्छ ?
रमाइलो नै लाग्छ । आफ्नो पेसा हो । रमाइलो मान्नु परिगो नि !
अनि समस्या चैँ के छ नि ?
समस्या त भनेर साध्य नै छैन । बाटोघाटो अप्ठ्यारो छ । जोगाउँदै कुदाउनुपर्ने हुन्छ ।
यहाँ ट्राफिक नियमको पालना कसैले गर्दैनन् ।
लामो दुरी गाडी चलाउने चालकले पिएर गाडी चलाउने गर्छन रे, हो ?
खै ? मैले त पिउने गरेको छैन । मैले पिएँ भने त गाडी कसरी नेपालगन्ज पु¥याउनु ? कसै–कसैले पिउलान् । सबै मजस्तै ड्राइभर हुदैनन् नि !
१४ वर्ष गाडी चलाउँदा तपाईंका स्मरणीय क्षण ?
एउटा घटना छ । पोखरातिर जान लागेको थियो एउटा जिप, त्यो एउटा गाडीसँग ठोक्किएको थियो । मान्छेको शरीर ल्याङफ्याङ भएको थियो । अहिलेसम्म कति दुर्घटना देखियो होला तर त्यो दुर्घटनाजस्तो आङ नै सिरिङ्ग पार्ने अहिलेसम्म देखेको छैन ।
Leave A Comment